唔知大家有無聽過period 點食都唔肥，再加埋月經前期瘋狂既食慾，於是當period 後，腰和大腿就不知不覺間肥肉已橫生………(´-ι_-｀)
女人一生都在和減肥博鬥，我就喺度諗多一個敵人不如多一個朋友，於是我就跟住月經週期來安排瘦身，好好利用女人天生的「生理週期」，然後就發現了神級秘密ฅ(๑*д*๑)ฅ!!
原來各位SIS可以利用身體既內分泌特性，跟住荷爾蒙去減肥！依種聰明既方法不單止可以讓你減肥事半功倍，甚至輕鬆瘦幾磅都唔係問題！！
月經後第7-14天 ： 衝刺期
【生理表現】
月經後既第14天開始排卵，雌性激素分泌達到頂峰後開始減少，而孕酮分泌開始上升。雌性激素同雄性激素分泌會變得旺盛，會加快體內碳水化合物、脂肪、蛋白質既吸收同消耗，所以**在排卵期前一周係做有氧運動既最佳時期**！！
我會稱依一個星期為衝刺期，因為依7日係一個月入面無論係心情定係身體狀態都最好既，把握時機，可以瘋狂運動同接受各種挑戰！
【斬肉成功指數】★★★★★
【斬肉攻略】
．運動頻率儘量保持在每天或隔兩天一次，每星期至少保持7個鐘以上既運動量。
．重量訓練效果今個星期會特別明顯，可以做多啲高強度運動。
．有氧運動都要揀，千祈唔好浪費！比如有氧舞蹈、拉丁舞、KPOPDANCE之類。因為這段時間體能和接受能力都是一流的，唔好放棄黃金機會！
瑜珈參考影片：https://www.youtube.com/watch?v=194wVgnc5r4
【斬肉食譜】
雖然減肥效果係最好，但同時係飲食方面唔好掉以輕心，因為只要飲食稍有失控，呢段時間就會前功盡廢！
咁係因為你吃下去的熱量如果唔能夠得到迅速既分解，它就會轉化成脂肪留係體內，所以一定要記得儘量減少對高熱量、高脂肪食物的攝取，向脂肪說不！
．高蛋白質既食物可以多攝取，例如果仁、希臘乳酪、吞拿魚等等
．可以多食一D有利於消化及代謝既食物，如冬瓜、芹菜等，將瘦身進程推快
月經後第14-21天：黃金期
【生理表現】
依個時期身體唔會有特別唔舒服既感覺，而且消化功能和身體代謝都比經後期再增強，姐妹們要把握機會呀！
排卵期後既一周，雖然卵細胞激素作用轉強，但因為黃體激素分泌增加，肌膚狀況就會不穩定，你會發現皮脂分泌漸多，面上會有好多油脂，更恐怖係黑色素將會活化，暗瘡隨時爆發，心情有機會會起伏不定。但唔洗擔心，只要配合飲食，一樣事半功倍。
【斬肉成功指數】★★★★
【斬肉策略】
．一周運動時間要保持在6個小時或以上。
．重量訓量很重要！絕對有助你係依段時間內增加肌肉同消耗熱量。
．利用休息日去多D戶外郊野，可以做多D長跑、爬山等需要耐既有氧運動。
臀腿訓練參考影片： https://www.youtube.com/watch?v=lwmdJ3iJDRA
【斬肉食譜】
．為了準備下次月經既來臨，所以要增加鐵質、健康脂肪同蛋白質既攝取，如牛油果、雞蛋、奇亞籽、亞麻籽等。
．高纖維既食物，倒如蔬菜、水果、全穀類、全麥麵、糙米、燕麥等。唔講唔知，當攝入足夠既高纖維食物之後，係增加血液中鎂既含量，同時間增加飽肚感，就唔會亂食零食。
．在兩餐之間如果要食小食，可以揀一D核桃、腰果依類有維生素B既食物，有利調整月經同埋鎮靜神經。
【小TIPS】有氧運動係依個階段絕對可繼續，但一定要注意不要過度疲勞，會搞到肌肉受損。
自從我發現左呢個方法之後，就不斷提醒周圍啲姊妹跟我一齊做，只要好好安排依兩個禮拜瘦身期，小蠻腰就離你不遠ヽ(●´∀`●)ﾉ
