我家姐中學時期已經因為失眠問題而要睇精神科，當時醫生話佢係神經衰弱，開左啲藥比佢
咁佢本身性格都比較內向，唔係好sociable，亦都有沉迷打機，個人好易暴躁
我地屋企人初初都冇為意佢精神問題愈來愈嚴重，甚至到左唔肯再睇醫生覆診既時候，我地都因為怕左佢，就由佢
點知佢病情就一直惡化，開始控制唔到自己會打屋企人，又有幻聽既跡象，成日會用手摀住耳，但問佢做咩咁，佢又話冇野。叫過佢好多次不如去睇醫生，佢都發脾氣。我地一直擔驚受怕，佢就好似一個計時炸彈咁，唔知會幾時爆。
直到上年，佢有迫害妄想既症狀，覺得有人跟蹤佢、屋企有cam有錄音偷拍我地一舉一動。我先覺得唔可以再繼續唔理，要搵醫護人員幫手，雖然佢反應好大好抗拒，但最後都有接受治療
而家佢唔會再冇啦啦暴躁，同埋冇胡言亂語，不過就唔主動講野，變到沉默寡言，好多時唔知佢諗緊咩...我諗個病都真係影響左佢好多...雖然有食藥已經改善好大，但都要辛苦媽咪要好似湊小朋友咁照顧佢，都唔知第時佢點算...
好嚴重喎 好彩佢有及早去接受治療
咁除咗食藥仲有冇啲咩可以幫到佢㗎？
其實屋企人有事 你同屋企人都有壓力 得
閒都要搵你哋覺得舒服既方法---抒發下啲負能量
如果唔係我驚你同屋企人都好會好易受到影響
你哋都要維持着一個好嘅身體先可以照顧到佢
最後希望你家姐情況會越嚟越好！
我地壓力真係好大...不過而家都已經叫做好過以前
現階段除左食藥, 都真係要靠佢自己唔好再諗埋一邊, 因為我地搵人開解佢佢都唔係好接受
我地都難調整心理狀態, 始終都好擔心佢
不過都已經盡量叫自己睇開啲, 真係當佢係小朋友咁囉暫時
