背景介紹：地盤佬一名，賺的多去得都快，平時會買下漫畫打下機，沒有不良嗜好。以家同條女住，租金我比，女方就負責水電煤，一起2年。尼排條女有幾個朋友都結婚（on99肺炎先來結婚），搞到條女心思思都想結，但大佬啊！人地結婚有老豆老母幫補下，我同你都是靠自己，份人又大洗，買個袋都成皮！買左曉飛咩！又話要2卡戒指又話抽居屋，妖！日日都扯到盡！敷衍又唔係，結婚又搞唔掂！！好x想散！一了百了！
老老豆豆，你有無同人地講過將來先?
如果你比曬計劃佢去一齊儲錢，條女都唔一齊努力，師兄你咪飛咗佢囉
你唔諗住結婚既就唔好阻佢發達啦CHING
水電煤都係條女比,好幸福啦,我條女乜都要我比呀,我只係個文員仔炸,一個月交租水電煤都冇左我成皮野,得番幾千蚊洗,同朋友出街食飯都要計住,真係DLLM!?
我覺得同佢傾清楚會好啲，結唔結婚都好，都係要一齊生活，如果大家其實都真係唔岩唔夾或者對將來既打算意見分歧，而大家又冇諗住點樣一齊解決問題，咁就真係勉強冇幸福既. 你俾唔到佢想要既野俾佢，同時佢又唔肯遷就你大家慳啲洗草下錢，咁大家放過大家都係一件好事黎
大家坦白溝通下,或者有咩大家將心裡講晒出,佢肯改變,大家條仲會好好行,如果講了佢都唔ok ,盡早分開好過,冇謂嘥時間,大家可能會搵到對的人,同埋對大家都是好事,可以諗諗呀
已經分手，上星期同前女友爆大獲，忍唔住小左出來，講左分手。以家揾地方搬ing,唔知點解有種解脫的感覺,忽然有感，我都幾渣男?
