標題:靜脈曲張

我媽左腳有靜脈曲張,佢話係好多年前整親腰之後跌打師傅同佢按,按傷埋隻腳,不過佢果陣返工都係要長時間企,我諗應該都有關係,佢隻腳係由小腿去到腳背都青紫色,著拖鞋涼鞋平底鞋都會見到鴛鴦腳咁,因為右腳係完全冇事


佢以前隻腳會痕、腳腫、腳重、易攰,成日話驚第時行唔到,或者要做手術,睇醫生都係比左壓力襪佢,但佢唔中意著因為覺得箍住箍住咁,又熱,除左隻襪之後啲血行又會令隻腳更痕


好彩之後轉左工唔洗成日企,同埋有去汗蒸館汗蒸 (要睇返個人身體情況,我媽本身冇其他心臟血壓問題),得閒拉多啲筋,而家隻腳都冇再成日發熱同埋覺得腳重,但啲血管都係凸出黎同埋都係青青紫紫咁


 

之前睇過中醫, 佢地認為靜脈曲張原因係寒濕凝滯、濕熱淤阻或血瘀阻絡
得閒用啲中藥材浸下腳, 可以舒緩下
試下帶媽媽去睇下中醫, 可能work

佢之前買左個蒸腳既桶, 可以係屋企自己蒸腳, 功效應該冇汗蒸咁好?但都會出好多汗, 同埋都可以加藥材!



咁樣的, 不過就比較阻埞?